(Obs! Dette er eit tildels svært internt NLM Stavanger-innlegg. Dersom du likevel vil lese, er du hjarteleg velkomen!)Eg har lenge vore stolt av at det er rom for mange ulike meiningar i Misjonssambandet, og det er eg framleis. Men på kretsmøtene i Stavanger krets kan likevel debatten nokre gonger bli både ufin og usakleg.
På årets møte, som gjekk av stabelen denne helga, var den største saka om det skulle vera mogeleg for kvinner å bli valde inn som medlemmer av kretsstyret. Dei fleste som tok ordet i denne saka, meinte at dette var ein feil veg å gå.
Dette er eit synspunkt eg er usamd med, men respekterer. Men eg har likevel problem med måten det vart argumentert på. For dei fleste som tok til mæle mot kvinner i kretsstyret, gjorde det til eit åndeleg spørsmål. Forunderlege greier. Det er jo ikkje snakk om at kvinner skal få hyrdefunksjon om ein gjer ei slik endring, og at ein dermed går på tvers av Bibelen. Nei, det det er snakk om, er kva funksjon kretsstyret skal ha! Eit reint praktisk spørsmål, altså.
Difor er det over kanten når einskilde av debattantane samanliknar det nye forslaget med djevelens verk, og dermed stemplar oss som har eit anna syn som vranglærarar. Det er også forunderleg når ein brukar uttrykk som "å gi etter for tidsånda", "gå vekk frå dei gamle stiar" eller "forkasta bibelske prinsipp" i ei praktisk sak som dette.
Sistnemnde er særleg forunderleg, ettersom eg ikkje kan finna kretsstyret - eller noko som liknar på det - i Bibelen. Det eg derimot finn, er at Paulus ber Timoteus om å setja inn eldste i kvar by (dvs. i kvar kyrkjelyd, forsamling eller bedehus, om du vil). Ein slik funksjon fyller vel nattverdsstyra på bedehusa i våre dagar? Ikkje kretsstyret i alle fall.
I Bibelen min står det dessutan at dersom det var større læremessige spørsmål ein sleit med, spurte ein apostlane i Jerusalem til råds. I dag har me apostlane sine ord i Bibelen. Elles er vel hovudstyret og rådsmøtet det næraste ein kjem apostelmøtet i Jerusalem. Det er ikkje kretsstyret i alle fall.
Eg var utsending til kretsmøtet. Men tok ikkje ordet. Skamme seg!
PS: Forslaget om å opna styret for kvinner fekk eit knapt fleirtal, men langt frå det påkrevde to tredels fleirtal som må til for at lovane kan endrast. 171 stemde for kvinner i styret, mens 155 stemde mot.
8 kommentarer:
Jeg synes igrunnen det var en helt grei samtale. Problemet er bare at ingen tar konsekvensen av det de sier... For hvis kvinner i kretsstyret skulle vært imot Bibelen, så burde jo både kretsstyret og hovedstyret gått av. Hvis de gir råd som går imot Bibelen, så kan de vel ikke være ledere i NLM, eller? For ikke å snakke om samarbeid med andre kretser... Hvor er det blitt av Calmeyergatelinjen?
Knut, det er mulig du veit dette allerede, men av og til er du rett og slett ein god mann.
Hehe, Stavanger krets. For en gjeng. Og mer generelt, når skal "misjonsvenner" slutte med å slå hverandre i huet med krasse bibelvers? Man! Godt å se festkaramellen Hans Edvard Bø "smile" mot oss på vl.no. Ajajaj ...
Bærre slik i forbifarten...
Eg synes å erindra at nokon sa at dei fleste krigar som pågår ute i vera no, skyldas religion i ein eller anna form. Betenkeleg. Hmmm
misjonsuvenner
stavanger krets er en fascinerende krets. Det må eg sei.
Ifølge den kristne dagsavisen Dagen var det, til tross for flertall for stemmerett, 15 som talte imot og 2 som talte for i debatten. Bare lurer på om folk på de kanter av landet er litt redd for hverandre. Det er jo velkjent hersketeknikk å åndeliggjøre ikke-åndelige spørsmål samt gi skyldfølelse til motstanderen (blir ikke så lett å ta ordet når du vet du vil bli skjelt ut foran en full sal). Jeg var ikke til stede og kan ikke si noe om hvordan dette var, men utenfra ser det ut som noen bruker sjofle teknikker (kanskje i god tro) for å kneble meningsmotstandere. (Og åndelig hersking er heller ikke et bibelsk ideal (f.x. 1. Pet 5,2-3)). Jeg har egentlig stor respekt for begge syn i denne saken, men for meg ser det ut som om det må ryddes litt opp i måten en snakker sammen på hos dere.
Totally agree, hansi pansi. Det var på en måte poenget mitt.Totally agree, hansi pansi. Det var på ein måte poenget mitt.
Lett å kritisere med fornuftige ord etterpå.... Kanskje du burde sagt dette på selve kretsmøte da men..
Det som jeg synes er noe snodig er at det er så stor uklarhet i hvilken funksjon kretsstyret i grunnen har!
Det virker som om mange ikke er klar over hvilke arbeidsoppgaver de har, både åndelig og praktisk!
Kanskje burde dette vært tema for en samtale, før en evnt samtale omkring vedtaket om kvinner i kretsstyret!
Tror rett og slett ikke dette var rette tiden for Stvg krets å vedta dette! Så får vi la debatten være...
Det finnes langt viktigere saker å ta opp enn dette, det er nå min menig!
Tror at kretsstyret fort kan havne i en hyrdefunksjon, det har jo flere tidligere kretsstyremedl også uttalt, så tror det er det klokeste å fortsette med dagens ordning!
Legg inn en kommentar